Zuk ez dakizun arren
gaur egin zaitut neure
ta egingo zintuzket
gehiagorako ere
Amamaren altzotik
amestearen zerez
zabalik utzi zendun
leihotik noa ihes
Astesantuko prozesiotan bezala, bata bestearen atzean, ilara luzeetan, ikusi barri dodazan piñu-kokoek, mendian gora haritza baino, piñuak -eta azken boladan eukaliptuak- janzten dauazala gure udalerri eta inguruetako mendi magal gehienak ekarri daustie gogora; hego-haizeak Durangaldetik dakarren kiratsak egurra papera egiteko erabiltzen dala gogorarazten daustan moduan. Kezkatuta ei dabiltza, gainera, paper fabrikak, ez ei dago eta fabrikon beharrizanari eusteko nahikoa egurrik, ez behintzat mozteko modukorik.
Lehenik eta behin, zorionak eta eskerrik asko Korrikaren hogeigarren edizioa Zornotzan antolatu duzuen guztiei. Eta zorionak AEKri, oraindik ere mugimendu soziala izaten jarraitzen duelako. Mila zorion, aurtengo edizioa parte hartzailea, zabala, koloretsua, anitza, gozoa, alaia eta atsegina izatea lortu duzuelako. Esan daitekeen guztia gutxi da.