Bizkaiko Lan Ikuskaritzan salaketa jarri dio LAB sindikatuak Lasuen enpresari. Zornotzako San Juan kalean egiten ari diren urbanizazio lanetan, Bizkaiko Eraikuntza Hitzarmenean zehazten diren baldintzak ez errespetatu izana leporatzen dio sindikatuak. Horrez gain, Norbanako Babes Ekipoak ez erabiltzearekin batera, eguneko lanaldiak eta beharrezkoak diren atsedenaldiak ez errespetatzea leporatu dio.